सकस आहाराचा अभाव, मासिक पाळी अन् बदलती जीवनशैली या कारणांनी महिलांमधील हिमोग्लोबीनचे प्रमाण कमी होत आहे. सावित्रीबाई फुले एकात्म मंडळातर्फे राबवलेल्या रमा प्रकल्पाद्वारे ११ हजार महिलांचे सर्वेक्षण केले. त्यापैकी ७० टक्के महिला अॅनिमियाग्रस्त होते. या महिलांचे आहाराचे महत्व, रक्तवाढीसाठी घरातील खाद्यपदार्थांच्या रेसिपीद्वारे जनजागृती करत ६५ टक्के महिला अॅनिमियातून मुक्त
झाल्या.
सावित्रीबाई फुले महिला एकात्म समाज मंडळ ग्राईंड मास्टर प्रा. लि. यांच्या संयुक्त विद्यमाने रमा आयडॉल पुरस्कार कार्यक्रम घेण्यात आला. या वेळी मिलिंद
केळकर, मोहिनी केळकर, गुरुवर्य लहुजी साळवे केंद्राचे डॉ. दिवाकर कुलकर्णी, सविता कुलकर्णी यांची उपस्थिती होती.
मोहिनी केळकर यांनी सांगितले की, महिला अबला नसून सबला आहे. महिलांना मदतीची नाही तर संधीची गरज आहे. महिलांचे आरोग्य कसे चांगले राहील, त्यासाठी काय काम करता येईल, हे सुद्धा पाहिले पाहिजे. महिलांनी वर्षभरात २० महिलांना अॅनिमियापासून मुक्त करण्याचे ध्येय ठेवले पाहिजे. या वेळी कार्यक्रमात ज्या महिलांचे हिमोग्लोबीन आठ ग्रॅमपेक्षा कमी होते, त्यांच्यासाठी १२९२ महिलांना लोखंडाची कढई वाटप केली. या वेळी मनोरंजनात्मक
खेळ महिलांनी घेतला. यात प्रथम क्रमांक आलेल्या महिलांना बक्षीस वाटप करण्यात आले. पिराजी कमले यांनी सूत्रसंचालन केले. प्रास्ताविक वर्षा पिंपळे देशमुख तर आभार अश्विनी शिंदे यांनी मानले.
सावित्रीबाई फुले एकात्म समाज मंडळाचा उपक्रम
मुकुंदवाडी परिसरात आयोजित आदर्श रमा आयडॉल पुरस्कार सोहळ्यात सहभागी झालेल्या महिला
१८ महिलांना रमा पुरस्कार गेल्या चार वर्षांपासून प्रकल्पात विविध महिला अॅनिमियावर जनजागृती करण्याचे काम करत आहेत. यातील ५० महिलांपैकी १८ महिलांना रमा आयडॉल पुरस्काराने गौरविण्यात आले. यामध्ये महिलांमध्ये अॅनिमियाविषयी जनजागृती करण्यात आली. तसेच मागील चार वर्षांमध्ये अॅनिमियावर झालेल्या कामाची माहिती देण्यात आली.
पंधरा वस्त्यांमध्ये प्रकल्पाचे काम
यामध्ये मिलिंदनगर, मुकुंदनगर, राजनगर, सातारा गाव, नागसेननगर, फुलेनगर, रामनगर, राहुलनगर, नाथनगरसह इतर नगरांमध्ये १६० आरोग्य मित्र काम करत आहे.
हिमोग्लोबीन ८ वरून गेले १४ वर सुरुवातीला माझे हिमोग्लोबीन ८.५ होते. प्रकल्पात आल्यानंतर मार्गदर्शन घेऊन आहारात योग्य बदल केला. त्यामुळे माझे हिमोग्लोबीन १४.१ वर पोहोचले.
- मनीषा पगारे, रमा आयडॉल पुरस्कार्थी
ॲनिमियाग्रस्तांनी असा घ्यावा आहार
शेंगदाणे - गुळ खावे, बाजरीची खिचडी, आळीवाचे लाडू- खीर, विविध डाळींचे थालीपीठ, बीटचा ज्यूस, राजगिरा लाडू, शेंगदाण्याचे लाडू, विविध पालेभाल्यांचे थालीपीठ, मुटकुळे, तिरंगी पदार्थमध्ये कडधान्ये, लालरंगाची फळे, पांढऱ्या रंगाचे दुग्धजन्य पदार्थ खावे.

रमा प्रकल्पाद्वारे ११ हजार महिलांचे सर्वेक्षण; ६५% महिला अॅनिमियामुक्त

आमच्या भडगांव जिल्हा जळगांव येथील श्री गिरणाकाठ शेतकरी कंपनीचे अध्यक्ष श्री विनोद बोरसे यांना नुकतीच केंद्रीय कृषिमंत्री मा. शिवराज सिंह चौहान यांना भेटून शेतकरी कंपनीचे काम सांगण्याची संधी मिळाली. 

सावित्रीबाई फुले मंडळाने १३०००+ छोट्या आणि अत्यल्पभूधारक शेतकरी सभासद असलेल्या ३२ शेतकरी उत्पादक कंपन्या महाराष्ट्रातील ६ जिल्ह्यांत स्थापन केल्या आहेत. यासाठी आम्हाला नाबार्डचे मार्गदर्शन व सहाय्य लाभले आहे.

जळगाव बनाना क्लस्टरमध्ये समाविष्ट केल्याबद्दल केंद्रीय कृषी मंत्र्यांचे भडगावातील शेतकऱ्यांनी मानले आभार

सातारा परिसर, ता. १३ : सावित्रीबाई फुले महिला एकात्म समाज मंडळाच्या वतीने बीड बायपास जवळ असलेल्या विहंग विशेष शिक्षण प्रकल्पाच्या नूतन इमारतीचे गुरुवारी (ता. १२) उद्घाटन उद्योजक एक दामाणी यांच्या हस्ते झाले. राष्ट्रीय स्वयंसेवक संघाचे प्रांत संघचालक अनिल भालेराव अध्यक्षस्थानी होते. मुंबई येथील केशव सृष्टी संस्थेचे संस्थापक बिमल केडिया यांची प्रमुख उपस्थिती होती.
व्यासपीठावर डॉ. बाबासाहेब आंबेडकर वैद्यकीय प्रतिष्ठानचे अध्यक्ष डॉ. सतीश कुलकर्णी, सावित्रीबाई फुले महिला एकात्म समाज मंडळाचे उपाध्यक्ष शिरीष कुलकर्णी उपस्थित
सातारा परिसर कार्यक्रमास उपस्थित उद्योजक, स्वयंसेवी आणि इतर.
होते. यावेळी या प्रकल्पासाठी सहकार्य करणाऱ्या विविध व्यक्ती व संस्थांचा सत्कार करण्यात आला. सीसीआयएल (मुंबई) सुनील साळुंके यांच्या हस्ते इमारतीतील सौरऊर्जा युनिटचे लोकार्पण
झाले.

'विहंग'च्या नूतन वास्तूचे उद्घाटन

सावित्रीबाई फुले महिला एकात्म समाज मंडळ व इनरव्हील क्लब ऑफ जालना यांच्यावतीने शहरातील गरीब गरजू व अनाथ वृद्ध आजी आजोबा व लहान मुलांना थंडीसाठी शाल, स्वेटर, कान टोपी, मफलर अशा उबदार कपड्यांचे वाटप करण्यात आले. मागील आठवड्यापासून कडाक्याची थंडी वाढली असून या थंडीपासून बचावासाठी अनाथ वृद्ध आजी आजोबा व अनाथ विद्यार्थ्यांना उपदार कपड्याचे वाटप करण्यात आले.
सावित्रीबाई फुले महिला एकात्म मंडळाच्या वतीने एक हिवाळा जिव्हाळयाचा सामाजिक उपक्रम सुरू करण्यात आला आहे. आपल्याकडे असलेल्या पण नको असलेल्या गरम व उबदार स्वेटर, शॉल, चादर, मफलर इत्यादी व अन्य गरम कपडे जे गरजुंना उपयोगी पडेल ते सर्व आणुन द्या. त्या सर्व वस्तु संस्थेमार्फत सर्वे करून नोंद करण्यात आलेल्या शहरातील गरजवंत वयोवृद्ध व अनाथ विद्यार्थ्यांपर्यंत पोहोचवण्यात येणार आहे....

अनाथांना उबदार कपड्यांचे वाटप... - सावित्रीबाई फुले महिला एकात्म समाज मंडळाचा उपक्रम

'विहंग'मध्ये रंगाच्या दुनियेत दिव्यांग दिन साजरा
बीड बायपास : सर्वसमावेशक आणि शाश्वत भविष्यासाठी अपंग व्यक्तींचे नेतृत्व वाढवणे या थीमवर विहंग विशेष मुलांच्या शाळेत जागतिक दिव्यांग दिन साजरा झाला. यानिमित्ताने शाळेतील मुले पिवळा, हिरवा आणि पांढऱ्या वेशभूषेत आले
होते.
'हक्क देऊ, संधी देऊ, दिव्यांगांना प्रोत्साहन देऊ' हा संदेश मुलांनी यावेळी दिला. समाजकल्याण विभागाने विहंग शाळेचे क्रीडा शिक्षक व जलतरणपटू सागर बडवे आणि स्विमिंग कोच
कांचन बडवे यांचा सन्मान केला. या दिनाच्या थीमनुसार विहंग शाळा वेगवेगळे प्रकल्प घेत आहे. समाजात जाऊन वस्तू विक्री करणे, ऑफिस वर्क शिकून घेण्यासोबतच या वर्षी फोटो मॉडेलिंग प्रॉडक्ट्स बनवणे, कम्युनिटी रेडिओच्या कार्यक्रमात मुलांनी युवक कलाकार बनून कविता सादर करणे हे नाविन्यपूर्ण उपक्रम राबवण्यात आले. अर्णव सदावर्ते, शंतनू घाणेकर, शंतनू महाजन, सर्वेश जोशी, हर्ष शार्दूल, वरद कुलकर्णी, हर्षदा देशमुख या मुलांनी विशेष परिश्रम घेतले.

'विहंग'मध्ये रंगाच्या दुनियेत दिव्यांग दिन साजरा

विशेष मुलांना मिळाले बचतीचे धडे
विहंग शाळेतील विद्यार्थ्यांना देवगिरी बँकेतर्फे बँक व्यवहारांबाबत
मार्गदर्शन करण्यात आले.
छत्रपती संभाजीनगर सावित्रीबाई फुले महिला एकात्म समाज मंडळाच्या विहंग विशेष मुलांची शाळेत मुलांना बचतीचे धडे देण्याचा उपक्रम राबवण्यात आला. या अंतर्गत दिव्यांग मुलांनी बँकेचे व्यवहार केले. यासाठी देवगिरी बँकेने सहकार्य दिले.
विहंग शाळेत सध्या १६ वर्षांवरील मुलांसाठी व्यावसायिक गट सुरू आहे. ज्यात मुलांना विविध कौशल्याधारित प्रशिक्षण, कार्यशाळा घेण्यात येतात.
विहंग शाळेच्या आठ विद्यार्थ्यांचे देवगिरी बँकेत खाते उघडण्यात आले.
शाळेने मुलांना प्रोत्साहन म्हणून दोन हजार आणि पालकांनी तीन हजार रुपयांची मदत केली. देवगिरी बँकेतर्फे शाखाधिकारी नेहा ओक व त्यांचे सहकारी सतीश त्रिभुवन, श्रद्धा काळे उपस्थित होते. माधुरी आफळे, मंजुषा कुलकर्णी व विशाल बेद्रे यांनी मार्गदर्शन केले. करुणा राजपूत यांनी या उपक्रमासाठी परिश्रम घेतले.

विशेष मुलांना मिळाले बचतीचे धडे

दिव्य मराठी
18-Dec-2018 औरंगाबाद जिल्हा 
दिव्य मराठी विशेष •
सावित्रीबाई फुले संस्थेने व ग्रामस्थांनी केले गाव स्वच्छ
मारसावळी येथे ग्रामस्थांनी केले श्रमदान अन् वृक्षारोपण
प्रतीनिधी | बोरगाव अर्ज फुलंब्री तालुक्यातील मारसावळी येथे सावित्रीबाई फुले संस्थेच्या व ग्रामस्थांच्या वतीने चार दिवस श्रमदान करून गाव स्वच्छ करून गावाला स्वच्छतेचे महत्त्व पटवून दिले. तसेच वृक्षलागवडही करण्यात आली. त्यामुळे पर्यावरणाला हातभार लागणार आहे.
मारसावळी येथे शनिवारपासून चार दिवस श्रमदान चालू होते. मारसावळी गावकऱ्यांना श्रमदानाचे महत्त्व चांगल्या प्रकारे पटले. गावकऱ्यांनी श्रमदानासाठी चांगल्या प्रकारे प्रतिसाद दर्शिवला. पहिल्या दिवशी गावशेजारील डोंगरावर
फुलंब्री तालुक्यातील मारसावळी येथे श गाव स्वच्छ करताना ग्रामस्थ. छाया : पंढरीनाथ काळे, बोरगाव अर्ज.
सलग समतल चर त्यांनी केले. त्यानंतर दुसऱ्या दिवशी व तिसऱ्या दिवशी गावातील सपाटी शेत बांधावर बांध बंदिस्ती करण्यात आली. या वेळी गावातील महिला व
पुरुष यांनी चांगल्या प्रकारे सहभाग नोंदवला. यात गावकरी मंडळींनी चांगल्या प्रकारे मेहनत घेऊन ३ हेक्टर वरील बांध बंदिस्ती केली. या श्रमदानाची वेळ ही सकाळी ९ ते
११ अशी होती. ज्यावेळी गाव एकत्र येते. तेव्हा कोणतीही अवघड गोष्ट साध्य होऊ शकते, ही बाब यातून सिद्ध झाली. आज शेवटच्या दिवशी मारसावळी या गावात स्वच्छता
मोहीम राबवण्यात आली. यासाठी गावातील महिला व पुरुष यांनी चांगल्या प्रकारे सहभाग नोंदवला.
त्यांनी ग्रामपंचायत समोरील परिसर स्वच्छ केला. जिल्हा परिषद शाळा स्वच्छ करून ग्रामपंचायत समोर व शाळेसमोर वृक्ष लागवड करण्यात आली. या वेळी संस्थेतर्फे संदीप डफळे यांची प्रमुख उपस्थिती होती. यावेळी माधुरी गावित, सुरेश दुधे, ज्ञानेश्वर गाडेकर, शिवाजी गाडेकर, उत्तम राठोड, हरिभाऊ राठोड, लहू ठोंबरे, दिग्विजय राजगुरू, योगेश सिंगरे, केतन शर्मा, शीतल मेश्राम, योगिता फुले, गजानन इधाटे, शिवाजी पवार, प्रदीप गाडेकर, सर्जेराव हावले आदी उपस्थित होते.

मारसावळी येथे ग्रामस्थांनी केले श्रमदान आणि वृक्षारोपण

स्वच्छतेची संकल्पना रुजवली

घर गरिबीने गांजलेले.कमावते हात कमी आणि खाणारे जास्त...अशात मुलगी म्हटले की अनेकांना गळ्याचा फास वाटतो. नेमकी त्यांच्या मनातील हीच भावना बदलून समुपदेशाच्या माध्यमातून किशोरी विकास प्रकल्पाच्या समन्वयक वंदना कसारे यांनी तब्बल पन्नास वालविवाह रोखले. शिक्षणाच्या प्रवाहापासून दूर गेलेल्या शेकडो मुलींनाही त्यांनी पुन्हा शिक्षणाची गोडी लावली.

५० बालविवाह रोखून दिला शिक्षणाचा उंच झोका!

सर्वांगीण विकासाचे अधिष्ठान लाभलेले

ती केंद्रामध्ये सून म्हणून आली. अर्धवट शिक्षण असले तरी तिच्यात काही करण्याची धमक होती. उत्साह होता. जी संधी मिळाली तिने ती आव्हान म्हणून स्वीकारली. आता त्याच सुनेने संशोधन प्रकल्प पूर्ण करून दाखवत केंद्रात नवा उत्साह भरला. वंदना मिलिंद सुरडकर असे तिचे नाव. आज तिच्या यशाने गवसणी घातली असली तरी भुतकाळातली वंदना आठवली की, तिची चिकाटी जिद्द आणि यशाचे दुसरे नाव तेच असावे याची खात्री पटते. गुरुवर्य लहुजी साळवे आरोग्य केंद्राचा प्रारंभीचा काळ होता. मिलिंदनगरमधील घरांशी संपर्क होत होता.

Stay Informed with Our News Media